Ставлы пӧсь чолӧм!
Ме Удораса том, варов, водзмӧстчысь ныв Анна Махотина. Бать кузяӧ - Калина Ваньӧ Ӧльӧш Веча Володь Аннуш. Велӧдча Питирим Сорокин нима канму университетын коми кыв (литература) да англия кыв велӧдысь вылӧ. Ӧнія кадӧ "Том коми войтырлӧн "МИ" котырӧн" веськӧдлысь. И талунсянь на ме тшӧтш коми блогйысь!
Блогйын ме нимті ачымӧс Бобувӧн. Мыйла? А сы понда, мый видзӧдлыны кӧ бобув вылӧ, сійӧ ӧд мелі, шань да югыд. Унаӧн менӧ лыддьӧны татшӧмӧн жӧ. Менам чужӧм вылын пыр нюм. Весиг шулывлӧны: "Аннуш, тэ эн на мудз нюмъявныдтӧ?" Ме и збыль ставкӧд зэв шань да мелі. Пыр видзӧда югъялан синъясӧн водзӧ олӧм вылӧ.
Бобув радпырысь лэбалӧ ӧти дзоридзысь мӧдӧ. Унаӧн сійӧс аддзывлӧсны, унаӧс сійӧ гажӧдӧ. Кӧсйысьӧ и меным тадзи жӧ мед блогйын менсьсым водзӧ лоысь гижӧдъясӧс пыр унджык и унджык йӧз кутісны лыддьыны.
И медводз окота юксьыны аслам ичӧтик кывбурӧн. Гижи ме сійӧс 2012 воын Удора районын "Том гижысьяслӧн слёт" вылын, кодӧс унаысь котыртліс коми кывбуралысь Елена Евгеньевна Афанасьева.
Кывйыс – меным тайö:
аддзывтöм бобув,
коді чужис менам сьöлöмын…
Петас сійö сэтысь
да инмöдчылас борд йывнас
öтилы, мöдлы …
И водзö на лэбас…
аддзывтöм бобув,
коді чужис менам сьöлöмын…
Петас сійö сэтысь
да инмöдчылас борд йывнас
öтилы, мöдлы …
И водзö на лэбас…
